Sefaraires


SEFARAires
Aires de Sefarad en Buenos Aires
Mi primo hermano Haim Mayo
Por Israel Bar Yehuda,Tel Aviv
bary2@zahav.net.il
Mi Gran Papa Yehuda Camji, nacio en Estambol en el anyo 1840. Siendo guerfano de padre i madre, una creatura de 10 anyios, subio en secreto a un vapor que partia a Izmir i se escondio en un ambar- depo, para que no fuera aferrado. En el camino lo toparon escondido. Arivando a Izmir el Capitan del vapor ,parese que era un ombre piadoso, lo tomo de la mano, se fue a la juderia, ai lo entrego a un fierrero judio, el sinyor Moshe Efrati que tenia dos ijikas chikas. Este buen ombre le dyo lugar para dormir la noche – en el deposito del blankete-carbon, al lado de la tienda aparte de su familla. En el dia le ambezo el ufisyo. La famiya de Efrati lo adoptaron komo un ijo. Al kavo fue ke se kazo kon Ester una de las dos ijikas de la famiya.
Ester Efrati malorozamente tuvo vida kurta, se muryo despues ke paryo dos ijas i un ijo. Mi tiya Rosha ke es la sigunda ija de mi papu, paryo mueve kriaturas.(tres vezes ijas buchukas i otras tres vezes - separados. Ella, su marido, (kon sesh ijas i tres ijos) emigraron de Izmir a la Fransya en los anyos mil i novesyentos i vente. La famiya se enstalaron en dos sivdades: en Paris i en Lyon. Mi primo ermano Hayim Mayo, un diya, syendo un mansevo de trenta anyos partio a vijitar a sus ermanas en Paris, sigun era uzado. El tyempo es myentres la sigunda gerra mondial. La ultima ves ke lo vyeron era antes de Rosh Hashana 1942. Disheron ke los maldichos almanes lo aferraron i ya era savido ke fue mandado a los kampos de exterminasyon. Ansi esta eskrito en el livro de las raizes de muestra famiya. Sinko, sesh anyos desde ke eskrivimos estos detallos en moestro livro, tuvimos el mazal i al kavo del anyo 2004 se inauguro el web del Yad Vashem en Yerushalayim, kontenyendo tres milyones de nombres de personas – judios - ke fueron matados en los kampos de exterminasyon. Entri al web, lo buski i topi el nombre i otros detalyos ke estuve siguro ke es mi primo hermano Haim Mayo. I ansi esta eskrito en el sitio del Yad Vashem:
"Haim Mayo, nasido en Magnesia (Turkiya), en el anyo 1912, eskrito en la lista de Biata Klarsfeld, de los judios ke fueron arondjados de la Fransia. Fue mandado a Aushwitz, en el envio no.34 en el dia 18.9.1942 de Drancy ". Respondiendo a mi pregunta me eskrivio muestro kerido amigo Edmond Cohen de Paris que Drancy es una sivdadica diez o quinse kilometros al este de Paris. Miles de djudyos aferrados por la policiya fransesa, fueron enserrados en un gheto en esta sivdad i de aya, los mandaron kon trenos mil djudyos en kada vez, a una destinasyon misteryoza, ke los djudyos de Drancy, entre eyos, yamavan "pichipoy", i ke era Aushwitz, komo se supo mas tadre.
Kuando yo nasi, mi primo ermano ya estava en la Fransya i no tuve el mazal de saver nada por el. Mi madre ke era "medya ermana"de su madre, (dos ermanas de mizmo padre) mos kontava por su famiya, en Fransya o en la Amerika o la Arjentina. En akel tyempo viajar afuera del pais eya muy raro, i siguro para una famiya ke no tyenen los medyos finansieros. Pasando munchos anyos syendo enstalados en Israel renovimos muestra koneksyon kon la famiyas en la Fransya, tambyen kon las famiyas desendyentes de la famiya Mayo, mos vijitaron aqui en Israel.Kuando topi los detalyos de su muerte, enpesi a telefonar a diversos ramos de muestra famiya, kon alegria granda mesklada kon muncha emosyon i pena, darles el haber ke lo topi a mi primo ermano, komo siera ke lo topi bivo. Si no akontesiya este desastre oy pudiya ser de noventa i cuatro anyos. Ke repose en Gan Eden, Amen


 

Creación y Dirección:
Arq. Luis León

Asesores de dirección y colaboradores permanentes
Sr. José Mantel
Dr.Santó Efendi (EEUU)

Declarado de "Interés Cultural" por Departamento de Cultura de AMIA ( Asociación Mutual Israelita Argentina) y
CIDICSEF ( Centro de Investigación y Difusión de la Cultura Sefaradí)

Todos los artículos, son colaboraciones ad-honorem de los respectivos autores, y reflejan sus opiniones personales. La dirección y redacción de SEFARaires, puede no coincidir con el contenido de algún artículo, siendo el mismo de total responsabilidad del autor. Se autoriza la reproducción total o parcial del contenido de los Sefaraires, mencionando la publicación y el autor.

SEFARaires es un magazín menzual independente, i el scopo es la difuzión de la kultura sefaradí i su lingua el djudesmo. Keremos ansí tanbién ke los lektores de todo el mundo, se ambezen la ystoria de los djidiós yegados de Turkya a la Argentina. Se invía por e-mail, sen koste para akeos ke mos lo demanden a muestro adereso.

SEFARaires es una  publicación mensual independiente, y su objetivo es la difusión de la cultura sefaradí y su lengua el judeo-español.  Se propone además, hacer conocer a sus lectores de diversas partes del mundo, la historia de los judíos de Turquía llegados a la Argentina. Se envía por e-mail, gratuitamente a quienes lo solicitan a nuestra dirección.

SEFARaires e una pubblicazione  mensile, indipendente, il  cui   obbiettivo   é la  diffusione  della  cultura sefardita  e della sua  lingua,il giudeo spagnolo. Si propone  inoltre di  fare conoscere ai suoi lettori, delle diverse parti del  mondo, la storia  dei giudei di  Turchia, arrivati a la Argentina. Si invia per email, gratuitamente  a coloro che  lo richiedano.

SEFARaires is an independent monthly  publication whose objective is the difusion of Sephardic culture and the Judeo-Spanish language.  Its objective is to make known to its readers all over the world the history of Jews of Turkey who immigrated to Argentina. SEFARaires is sent, without charge, by e-mail to all who request it.

SEFARaires est une publication mensuelle et indépendante qui a l'objectif de diffuser la culture séfarade et la langue judéo-espagnol . SEFARaires veut faire connaître aux lecteurs de plusieurs pays, l'histoire des juifs turcs, émigrés en Argentine. Vous pouvez demander l'envoi  gratuit  par E-mail à l'adresse